कास्की जिल्लाको सुन्दर पर्यटकीय गाउँ घान्दु्रकमा अवस्थित यस श्री मेश्रम बराह माध्यमिक विद्यालयको स्थापना वि.स. २००६ सालमा भएको हो । घान्दु्रक गाउँमा प्रमुख रुपमा गुरुङ्ग जातिहरुको बाहुल्यता तथा दलित लगायत अन्य जातिहरुको समेत मिश्रित बसोबास रहेको छ । संस्कृति र प्रकृतिले धनी पर्यटकीय गाउँ घान्दु्रक आफ्नो अनुपम प्राकृतिक सौन्दर्यता र विशिष्ट सास्कृतिक पहिचानका कारण राष्ट्रिय तथा अन्र्तराष्ट्रिय क्षेत्रमा परिचित छ । वि.स. २००६ सालमा मेश्रम बराह मिडिल स्कुलको नामबाट सञ्चालित यो विद्यालय २०३५÷३६ सालदेखि माध्यमिक तहको स्थायी स्वीकृती तथा २०७४÷०७५ सालदेखि कक्षा ११÷१२ को स्वीकृती प्राप्त गरी हाल पूर्व प्राथमिक देखि माध्यमिक तह कक्षा १२ सम्म पठनपाठन हुदैँ आएको छ । विद्यालयको मुख्य उद्देश्य कक्षा १२ सम्म गुणस्तरीय शिक्षा प्रदान गर्ने र भौतिक सुविधा सहितको विद्यालय पुननिर्माण गर्ने रहेको छ ।
हाल विद्यालयमा माध्यमिक तह (११–१२) मा २ जना निजि स्रोत शिक्षक, माध्यमिक तह (९–१०) मा ६ जना स्विकृत दरबन्दी शिक्षक, आधारभूत तह (६–८) ३ जना स्विकृत दरबन्दी शिक्षक आधारभूत तह (१–५) ५ जना दरबन्दी १ जना राहत र १ जना गुरुङ्ग भाषा शिक्षक साथै पूर्व प्राथमिक तर्फ २ जना भ्ऋम् दरबन्दी र २ जना निजि स्रोत शिक्षकर १ जना सहायक लेखापाल १ जना निजि स्रोत समेत गरी २ जन कार्यालय सहयोगी गरी जम्मा २४ जना स्टाफबाट विद्यालय सञ्चालित छ ।
हाल विद्यालयमा करिब ३०० जना विद्यार्थीहरु अध्ययनरत छन् । कक्षा १ देखि ६ सम्म अङग्रेजी माध्यममा पठनपाठन सञ्चालन भइरहेको छ । कक्षा ९–१० तर्फ ऐच्छिक विषयहरु कम्प्युटर, लेखाशास्त्र, अर्थशास्त्र र ऐच्छिक गणित रहेका छन् भने कक्षा ११–१२ तर्फ ऐच्छिक विषयमा अर्थशास्त्र, व्यावसायिक अध्ययन, लेखाशास्त्र, शिक्षा र विकास, बाल विकास र सिकाई रहेका छन् ।
कोभिड–१९ को क्षतिले खस्किएको शैक्षिक गुणस्तर सुधार गर्न शिक्षक, कर्मचारी, अभिभावक, वि.व्य.स., शि.अ.स. सम्पूर्ण एक ढिक्का भई लागी पर्नुभएको छ । सबैको साझा फुलबारीको रुपमा रहेको यस विद्यालयको उन्नति र प्रगतिको लागी सबैबाट सदा सर्वदा साथ, सहयोग र रचनात्मक सुझाव प्राप्त भइरहने छ भन्ने अपेक्षा गर्दछु ।